مواصفات الزوج الخائن احذري

مرحباااااااااا
طبعا الموضوع كله مزح مو جد


يالله هذي المواصفات هههه
1- جواله دايم عليه قفل
والموضه الجديده جوالين بقفل
2- كل ما تدقين عليه عنده ويتنق
وسبحان الله في البيت جواله مايرن ابد وغالبا لانه سايلنت

3- اذا نسى جواله وهو نازل بقاله ولا صيدليه يجيك مداهمه زي الصاروخ علشان ياخذه

4-يفهمك انه اكثر واحد في الدنيا يستعمل الاله الحاسبه ...بس هو في الواقع يا حبيبتي يرسل مسجات

5-الفاتوره هذي حلم تشوفينه

لانه ياخذ الفاتوره من مكتب الاشتراكات مو من البريد

6- اذا جا ينام يقفل جواله
موب علشان سواد عيونك لا
بس خويته تغار عليه وما تبيه يغازل غيرها


7- عنده ردود استباقيه ... يعني اذا دق جواله يقول لك هذا واحد بثر مابي ارد عليه بدوووووون ما تسالينه مين !!


8- لونسى الجوال بالغلط .. و لقاك ماسكته او حتى تطالعينه بعيونك يصير يزبد ويرغي وينطح
9- يكون عنده ارتباط شرطي بين المسجات او الرنه ... و الطلعه من البيت!! مدري وش العلاقه بس يتعذر بعدهم باي شي علشان يطلع

10- يكلم في مواقع غريبه مجلس - حمام - مطبخ المهم يصصصصصصد

11- يعرق ويزيد نبضه وتنفسه بعد المكالمه اللي في الاماكن الصاده اللي سبق ذكرها ( يبذل مجهود )


12- فيه اسماء غريبه في جواله على سبيل المثال
ابو غاده = غاده
عنتر = عبير

محل التحليه = الي مرقمها بشارع التحليه

سيف وي = برضو بالسيف وي

انور = نوره

13- لو كنتوا على خط ونزل بقاله ولا حمام يطول اكثر من اللازم !!!

14-فجاءه يصير حبيب معك بدون سبب ( عقدة الذنب )

15-ما يمنعك من الروحه لاي مكان ... لانه يبي الفكه يا هبله دايم يقولك روحي وسعي صدرك
16-دايم عنده شغل في جده ليله وبيرجع !!

17- معد يقول لعيالكم عيالي يقوول عيالك

18-يروح العمل مواصل لانه سهران طول الليل في المجلس ( السابق ذكره ) يغازل

19-اذا رحتي بيت اهلك دق وقالك اذا مبسوطه مع خواتك نامي اليوم عندهم

20-يغسل ثوبه بعد الويك اند في المغسله ( فيه روج وماله وجه يغسله في البيت )

21-يشتري ساعه جديده وخاتم وممكن اذا خويته ملكعه يجيب رقم مميز و لوحه مميزه و يغير سيارته ويركب جنوط وسطبات ويراهق فجاءه


22-يسولف ويتفلسف في الامور الحريميه
حمل ولاده مكياج حواجب اظافر وتستغربين من وين عنده هالكم من المعلومات ؟؟

من عندها يا حووماره

23-وممكن يطلب منك ارقام كوافيرات ولا محلات نسائيه لزوجة صديقه واذا هو وقح يطلب كروت زواجات

24-ما يحب يروح معك اماكن عامه يخااااف خوياته يشوفونه ويدرون انه متزوج

25-اذاوصل البيت يجلس بالسياره ساعه قبل مايدخل تخبرون احلى المكالمه آخرها ..وان دقيتي عليه وهو برا مافي امل يرد خصوصا ان كان بالويك اند وبالليل خوفا من انك تسمعين صوت النساء من حوله..وان رد بيرد من الحمام. .وطبعن كل كلامه مع اصحابه يكون بالالغاز لان كل مواضيعهم عن بنات .. ..كانه وصخ بتشوفينه مايتحمم ويحلق الا يوم الاربعا وانتي طبعن بتسالينه خير وش عندك وش ذ النظافه بيقول عندي اجتماع يوم الخميس تبين ارسل لك المسج تتاكدين ..وماتسمعين الا تفريش اسنان خطر يقطع لسانه من زود النظافه.. بتشمين ريحة الكلونيات تفوح اكيد طبعن لصديقاته انواع التشخيص ولا انتي حاطك بمخباته ..
الخلاصه :


اذا توفر 5 من الشروط السابقه يمكن انتي تتوهمين بس انتبهي

اذا توفر 10 من المواصفات السابقه خافي على زوجك وابدي شكي

اذا توفرت 15 من الصفات السابقه اكيييد انه يخونك

اذا توفرت 20 من المواصفات السابقه اقطع يدي اذا ما كان خاين

اذا توفرت 25 كامله يمي ضفي شناطك وروحي بيت اهلك

ييسلمو الله يعطيكم الف عافيه

شاكره لكم مرووووووووركم