الغالي اللي مـا وفـا فـي وعايـده
غايب عن عيوني ولا هـي عوايـده
قفّـى وخلاّنـي فريسـه لحيرتـي
أسهر مع صورّه .. وأردّد قصايـده
هذي قصيده من غيابـي شكـا بهـا
وهذي كتبهـا فـي بطاقـة معايـده
وهذي بعد يومه زعل مـن ملامتـي
وهذي كتـب فيهـا بدايـع فرايـده
أدري مع الغايب ظروفـه وحجّتـه
لكن ضميـري تشتعـل بـه وقايـده
وعدنـي أنـه بالشدايـد سنـايـدي
وخابت هقاوي خافقي فـي سنايـده
و وعدني أنـه مـا يطـوّل بغيبتـه
يقـول : يوميـنٍ ولا هـي بزايـده
واليوم له فوق الشهـر يـا كلافتـي
السعد يا بخلـه والأحـزان جايـده
يا غيبتـه تكفيـن روحـي لديرتـه
وقولي له إن صبري على غير فايده
وقولي له أن جيشي تلقّـى هزايمـه
من همّل صفوفـه زعيمـه و قايـده
حاولت أسّلي خاطري عـن محبّتـه
والمشكلـه قلبـي يـودّه و رايـده
لا مـرّت طيوفـه عليّـه سألتـهـا
وش قصّته؟ وش حالته؟ وش جدايده؟
كـل عيـد عوّدنـي يعايـد حبيبتـه
واليوم مر العيد مـن قبـل اعايـده
موضوع: يا غـــيـــــبـــــتـــه 
